Почнува Галичка свадба - оваа година има две невести

Почнува 41-то издание на културолошко-туристичката манифестација „Галичка свадба“.

Годинава, судбоносното ДА ќе го кажат невестите Ана Гаревска и Маргарита Ивановска со своите избраници Иван Сариевски и Стефан Куковски. Тие на посетителите ќе им престават триесетина свадбарски обичаи, ритуали, песни и ора, каректирстични за мијаците.

„Галичка свадба“ ја продолжува традицијата на Петровденските галички свадби кога печалабарите традиционално се враќале на родните огништа.

Вечерба во 19:30 часот, сватовите, облечени во галичка носија, и роднинини на младоженците, ќе го закитат бајракот и ќе почне свадбата.

Утре, пак, свадбените обичаи ќе стартуваат со канење на мртвите, на кумот, бричење на  зетот, на строј, земање на невестата, венчавање  во црквата „Св. Петар и Павле".

На патот кон Галичник утре ќе има посебен сообраќаен режим. За посетителите ќе биде организиран и презоз со комбиња.

12.07.2014 - 10:25
Фото: 
Република
 
 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа