Време: Деновите пеколни - ноќите дождливи

 Времето претпладне во Македонија ќе биде сончево со мала облачност, а попладне ќе има умерена облачност и услови за појава на изолирана нестабилност со пороен дожд и ретки грмежи. Ќе дува слаб југозападен ветер.

Утринската температура ќе се движи од девет до 17, а дневната од 27 до 34 степени.

Во Скопје времето претпладне ќе биде сончево со мала облачност, а во попладневните часови со зголемена облачност и со услови за краткотраен дожд и со појава на ретки грмежи. Ќе дува слаб ветер од југозападен правец. Утринската температура ќе се спушти до 14, а дневната ќе се искачи до 29 степени.

Повремени врнежи од дожд ќе има преку ноќта, а од почетокот на следната недела во попладневните часови и понатаму ќе има услови за појава на нестабилност, меѓутоа понестабилно ќе биде во вторник кога и максималните температури ќе бидат за неколку степени пониски. Во останатите делови главно температурите ќе се движат од 26 до 34 степени.