Ограбена куќа во битолско - крадците направиле „парче"
Уште една тешка кражба во Македонија. Во селото Трап, битолско, непознат сторител преку незаклучена врата влегол во куќата на 55-годишниот Д.Т. и со употреба на подесен алат извршил тешка кражба одземајќи 4.000 евра, 300.000 денари и разновиден златен накит.
Крадецот се стекнал со 560.000 денари.
Исто така, во Охрид 35-годишниот Г.С. од село Долно Лакочереј, охридското и 39-годишниот В.Т. со употреба на физичка сила насилно го отвориле прозорецот од приземје на куќа во Охрид и по извршеното пребарување, одзеле два лап-топ компјутери, околу 10.000 денари, 200 евра и разновиден накит. Еден од одземените лап-топ компјутери, подоцна бил даден на залог кај пријавениот В.Т. а потоа продаден за 2.000 денари.
Г.С. со употреба на физичка сила насилно отворил влезна врата од куќа во селото Долно Лакочереј од каде одзел 9.000 денари.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
