Крвав понеделник во Македонија: Уште еден живот згасна во страотна сообраќајка

Уште една страотна сообраќајка ја потресе Македонија. На патниот правец Дебар-Маврово, во близина на месноста Бошков Мост, во сообраќајна несреќа загина возач на комби возило. Несреќата се случила во 6 часот и 45 минути кога од непознати причини комби возилото сопственост на „Хисар туризам“ изгубило контрола, удрило на заштитната метална ограда на мостот и паднало во реката Радика.

Во возилото бил само 62-годишниот Садик Франгу од селото Баланци, општина Центар Жупа, кој починал на самото место. Требало да стигне во Гостивар за да земе печалбари кои доаѓаат во родниот крај.