Томи Стефановски на делба на првото место на маратонот во Сент Жан

Македонскиот пливач маратонец Томи Стефановски исплива возбудлива трка во Канада која ниту фото финишот не можеше да ја реши.Тој и домашниот пливач Ксавиер Дешарне завршија истовремено за 7:09.08 часа и го поделија првото место.

Евгениј Поп Ацев настапи по паузата поради здравствени проблеми и го освои 4.место со време – 7:12.01, додека Александар Илиевски патеката од 32 километри ја исплива за 7:39.37 часа и го освои 12.место.

За Стефановски ова е повторување на успехот откако и минатата година го освои првото место на езерото Сен Жан.