Каде отидоа 92 милиони евра на СОРОС?

Речи си 100 милиони евра потрошила мрежата на Сорос во во последните 21 година. Според официјалните извештаи кои може да се најдат на сајтот на невладината на Милчин, за создавање невладина и медиумска мрежа СОРОС потрошил суми на пари со кои реално би можеле да се креираат проекти од бенефит за сите граѓани.
Огромната сума од вкупно  скоро 93 милиони евра ја отвара дилемата, каде завршија овие пари, кој добро се збогатил од нив и за какви цели се потрошени со оглед на тоа што освен одржување на прес конференции, трибини и слични активности, од овие пари, никој освен луѓето во СОРОС немаат никаква добивка.

Еве по колку пари трошел СОРОС годишно според извештаите кои ги објавила невладината на Милчин

Со парите кои СОРОС ги потрошил во последните дваесетина години можеше да се реконструираат неверојатни 390 километри автопат по теркот на автопатот Велес - Скопје со оглед на тоа дека реконструкцијата на 23 километри чини 5,7 милиони евра.
Изградбата на технолошко индустриската развојна зона во Радовиш која почна минатиот месец чини 11 милиони евра, а со буџетот н СОРОС без проблем би се изградиле најмалку 8 такви зони.
Ако се направи споредба со патот Струмица - Радовиш за кој се потрошија 7,2 милиони евра, СОРОС со својот буџет би можел да реконструира дури 13 такви патишта или голем дел од мрежата во земјава.
Буџетот на СОРОС е доволен со него да се покрие целата набаква на опрема во здравството за која Владата потроши 100 милиони евра или да се изградат дури 50 училишта како она во Аеродром кое чинеше 2,1 милиони евра.

Медиумите со години пишуваат дека СОРОС е продолжена рака на опозициската СДСМ во невладиниот сектор. Доказ за тоа е и политичката биографија на првиот човек Милчин кој пред неколку години беше во највисокото раководство на партијата од Бихаќка. Повеќе медиуми обвинија дека овие огромни суми на пари се злоупотребуваат за корупција на новинари и притисок врз медиумскиот сектор. Дека е така потврдува и фактот што СОРОС секоја година троши огромни суми на пари за поддршка на медиумите чија единствена задча е да ја критикуваат актуелната власт во надеж дека ќе отворат простор за опозицијата.

Еве по колку пари добил секој од медиумите на СОРОС во 2013 година

Сепак, читателите ги препознаваат медиумите чија задача е вистински да ја информираат јавноста и оние кои одработуваат за политички потреби. Затоа, официјалните статистики сите медиуми на СОРОС ги ставаат на дното на табелата според тоа, колкава популарност имаат меѓу читателите.