Трагедија во Демир Хисар: Застрелани две момчиња - 21 годишно дете е мртво
Со истрел од ловџиска пушка 69 годишниот Миле И. од демирхисарското село Мренога ги застрелал својот 40 годишен син Добре и уште едно 21 годишно лице. Како што дознава Press24 од полициски извори, инцидентот се случил утрово околу 2:30 минути во атарот на селото Мренога во Демир Хисар, кога трите лица биле во кривилов.
Од здобиените повреди на лице место починал 21 годишниот Александар В од селото Мренога, додека Добре со тешки телесни повреди е префрлен во здравствениот дом во Демир Хисар од каде поради сериозноста на повредите итно е транспортиран во Клиничкиот центар во Скопје.
Се уште немаме информации каква е неговата состојба.
Полицијата за Press24 и официјално го потврди случајот, информирајќи дека се работи на целосно документирање на настанот по што се најавуваат соодветни пријави.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа