Влегле и направиле хаос во тетовската болница - шестмина повредени
Едно лице е потешко повредено и задржано на лекување во тетовската болница, а пет се приведени од полицијата откако сите учествувале во тепачката што се случила на Хируршкото одделение во Клиничката болница. Тепачката се случила вчера околу 19 часот меѓу Р.А.(23), Р.Р (49) и Д.Х (47) од една и И.У (55), А.У (17) и А.У (20) од друга страна. Тие си размениле повеќе удари со тупаници по главите и телата од кои се здобиле со повреди. По укажаната лекарска помош петмина од нив се приведени, а 20-годишниот А.У е задржан на лекување.
Лицата и претходно меѓусебно се тепале на улицата „Љуботенска“ во Тетово, поради недоразбирања околу напасување на добитокот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа