Пензионер прегазен во Велес
Пензионер загина во трагична сообраќајна несреќа кога во него удрило комби, со кое возачот се движел рикверц без да го забележи старецот. Сообраќајката се случила во саботата, на улицата Нада Бутникошарева во Велес
Според полициските информации, возачот А.Б. (42) управувајќи комби „фиат дукато“ со велешки регистарски ознаки се движел рикверц кога во еден момент забележал дека удрил во пешак.
На самото место на несреќата загинал Богдан Ј.(83) од Велес. Веднаш била повикана екипа на Итната медицинска помош, но лекарите не можеле да му помогнат на пензионерот и само утврдиле дека тој е починат.
По наредба на јавен обвинител, телото на починатиот е пренесено во Институтот за судска медицина – Скопје за обдукција. Полицијата презема мерки за утврдување кој е виновен за несреќата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
