Ќе спиеме час повеќе - се поместуваат стрелките на часовникот

Летното сметање на времето завршува во ноќта меѓу 25 и 26 октомври, а стрелките на часовниците се поместуваат еден час назад. Во недела, на 26 октомври, стрелките треба да се вратат еден час назад, односно од 03:00 на 2:00 часот. Така ќе спиеме еден час повеќе.

Зимското сметување на времето почнува последиот викенд во октомври и трае до последниот викенд на март.

Стрелките не се поместуваат секаде во светот во исто време. Така, САД и Канада во 2007 година воведоа зимското сметање на времето да почнува во првата недела во ноември и да завршува во втората недела во март.

Поместувањето на времето во поголемиот дел случаи се извршува ноќта меѓу сабота и недела за да не предизвика поголеми проблеми за луѓето кои одат на работа.

Сепак, некои астрономи се против поместувањето на стрелките и вештачкото „продолжување“ на денот, затоа што сметаат дека природата не треба да се „мачи“, па дури и ако се правда со економски пресметки.