Македонија се тресе: Трет земјотрес за три дена
Земјотрес со јачина од 3,6 степени според Рихтеровата скала е почувствуван денеска во 12:32 часот во Охрид, Струга и околината.
Земјотресот, според Сеизмолошката опсерваторија при Природно математичкиот факултет, потекнува од охридското епицентрално подрачје, а неговиот епицентар се наоѓа на 100 километри југозападно од Скопје. Иинтензитетот на земјотресот, според Европската макро-сеизмичка скал 1998 е четири степени.
Освен вознемиреност кај жителите на Охрид, земјотресот што траеше 4 секунди и беше проследен со бучава, не предизвика материјална штета.
Во истиот регион пред два дена беа регистрирани уште два земјотреса со ист интензитет.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
