Французин се обидел да ги подмити полицајците на Меџитлија

39-годишниот А.К. од Франција си заработи кривична за давање поткуп. Тој вчера околу 11 часот, на Граничниот Премин „Меџитлија“ на влез во Македонија на полицискиот службеник во патната исправа му ставил банкнота од 20 швајцарски франкови со цел да му дозволи влез во државава со патничко возило за кое немал зелен картон.

Од страна на судија во претходна постапка изречена му е пресуда казна затвор во траење од шест месеци, условно од две години, а по плаќање на паричната глоба истиот е ослободен.