„Сакаш ли и ти да помогнеш“ - како до поголема свест за опасноста од ракот
За зголемување на свесноста за ракот и превентивно и навремено делување, Здружението за борба против ракот „Борка“ и „Рамстор мол“ од денеска ќе почнат хуманитарна кампања под слоганот „Сакаш ли и ти да помогнеш?
Секој вторник во наредните три недели во трговскиот центар ќе се одржуваат работилници, предавања и хуманитарни акции со цел подобро да ја запознаат јавноста со ракот на дојка, рак на матка и ракот на тестиси.
Покрај информативните пултови и хуманитарните кампањи, секој вторник со почеток во 16 часот ќе се одржува и работилница која ќе биде водена од Биба Додева, претседател на здружението „Борка“ и стручно-медицинско лице.
Маркетот и продавниците во трговскиот центар за оваа хуманитарна кампања ќе му донираат на здружението „Борка“ процент од продажбата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа