Библиотеката Јане Сандански свечено ги отвара вратите

Во општина Аеродром денеска свечено ќе биде отворена библиотеката „Јане Сандански“ која е целосно реновирана, сменета е електричната инсталација, опремена е со нови плици за книги, екрериерно и ентериерно е освежена и преуредена со нов мебел, прозорци, врати и радиаторски маски.

Реновирањето е дел од низата активности кои, со помош на Град Скопје, ги презема ЈП Градска библиотека „Браќа Миладиновци“ , а следува по големите реноваторски активности и отворањето на Спомен собата на Миладиновци, набавување на најмодерна опрема за автоматско зачленување - Кобис, и издавањето на капиталното издание на Зборникот на Миладиновци на албански јазик.

На свеченото отворање на библиотеката ќе присуствува делегација на Град Скопје предводена од градоначалникот Коце Трајановски.