Притвор за двајца скопјани: Претепале двајца полицајци

Полицјиата во Куманово поднесе кривична пријава против Н.А.(47) и С.Ј.(34), двајцата од Скопје, за сторени кривични дела „спречување службено лице во вршење службено дејствие“ и „напад врз службено лице при вршење работи на безбедноста“.

Тие завчера на улицата „11-ти Октомври“ во Куманово физички нападнале полициски службеници при преземање службени дејствија за нарушен јавен ред и мир.

Од страна на судија во претходна постапка на пријавените им е одредена мерка притвор во траење од 30 дена.