Пукање во Богданци

Пукотници го разбудија Богданци. Според податоците од полицијата, 44-годишниот Ѓ.Д. од Богданци пред неколку денови во кафеаната „Парк“ без причина почнал да го навредува, а потоа и физички нападнал лице од Богданци, удирајќи го во пределот на главата. По ова, разбеснетиот насилник излегол од кафеаната, а потоа повторно се вратил и од пиштол  испукал еден куршум. Откако полициски службеници отишле пред неговиот дом да го повикаат на разговор, пријавениот им упатувал закани, по што се обидел да удри еден од полициските службеници.