Се предозирал па завршил во болница - фатен дилер од Охрид

СВР Охрид поднесе кривична пријава против 35-годишниот Д.Ј. од Охрид за сторено кривично дело „неовластено производство и пуштање во промет на наркотични дроги, психотропни супстанции и прекурсори“. На 20-ти август годинава во Општата болница во Охрид било хоспитализирано 31 годишно лице поради предозираност со дрога, а од извршен разговор со полициски службеници е утврдено дека истиот ден од Д.Ј. купил метадон и три ампули „диазепам“ за износ од 750 денари.