Поголема безбедност за учесниците во сообраќајот - нов мост во Илинден

Општина Илинден почна со изградба на нов бетонски мост на улица „6“ во населеното место Кадино. Мостот се гради на местото на постоечкиот стар, дотраен и руиниран мост, кој што го попречуваше нормалниот проток на атмосферски води од постоечкиот канал и беше пречка за нормалното одвивање на сообраќајот.

Новиот мост ќе биде долг 8 метри, со широчина од исто така 8 метри, од кои 6 метри е коловозна површина, и по 1 метар тротоари од двете страни.

Новиот мост ќе обезбеди поголема безбедност за сите учесници во сообраќајот, посебно за пешаците кои во голем број секојдневно минуваат по овој мост.