Полицијата прави парче: Откриени 11 сириски мигранти

Полицијата во изминатите два дена при контрола на сообраќајот откри двајца македонски државјани што со возила се обиделе да прокријумчарат 11 сириски државјани кои нелегално ја поминале македонската граница. 

Како што инфомрира МВР, синоќа околу 22 часот при контрола на патничко моторно возило „Порше Кајен“ со скопски регистарски ознаки управувано од Џ.Б.(32) од Студеничани, скопско пронајдени се седум сириски државјани на возраст од 18 до 43 години. Возилото го запрел униформиран полициски службеник од Регионалниот центар за граничниот регион-Југ.

Лицата се приведени, Џ.Б. е предаден во полициската станица Неготино за понатамошна постапка, а странските државјани ќе бидат сместени во Прифатниот центар во Скопје.

Завчера, пак, во 16:45 часот при контрола на патничко возило „мерцедес вито“ управувано од Н.Д.(37) од село Кочилари, општина Градско  пронајдени се четворица сириски државјани, на возраст од 18 до 30 години. Контролата е направена на патниот правец Гевгелија-Скопје, поточно кај тунелите кај Демир Капија.

Од страна на судија за претходна постапка на Н.Д. му е изречена мерка притвор во траење од осум дена, а Регионалниот центар за граничен регион „Југ“ му поднесе кривична пријава поради сомнение дека сторил кривично дело „криумчарење на мигранти“.