Драма во Тетово: Претепал жена во кафуле
Во полициската станица во Тетово синоќа е пријавено дека во угостителскиот објект „Теуш“ на улицата „ЈНА“ од страна на 52-годишниот Т.Ф. физички било нападнато женско лице.
Потоа од страна на полициски службеници е излезено на место на настанот, каде пред објектот бил забележан 40-годишниот Џ.С. од Тетово кој започнал недолично да се однесува кон полициските службеници.
Тој им упатил навредливи зборови и одбивајќи да се идентификува при што во еден момент физички нападнал еден полициски службеник.
Лицата се приведени во полициската станица во Тетово, над двајцата е извршено алкотестирање при што е констатирано присуство на алкохол во крвта.
По целосно документирање на случајот ќе биде поднесен соодветен поднесок.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа