ДЗС подготвена за справување со снежни врнежи од поголем обем
Дирекцијата за заштита и спасување соопштува дека будно ја следи состојбата со временските прилики во државава и доколку има потреба подготвена е да ги ангажира сопствените сили, материјално-технички средства и опрема за отстранување на опасностите и последиците кои би се појавиле при евентуални снежни врнежи од поголем обем.
Според соопштението од Дирекцијата за заштита и спасување, во текот на денов на потегот Бошков Мост - Лазарополе е ангажирана 1 градежна машина и се користи теренското возило на подрачното одделение за заштита и спасување Дебар. Во општина Кичево се ангажирани две градежни машини, како и по една во Зеленково, Кичево-Стража, Климентица-Подмоље, кај Охрид и Кичево-Охрид.
- Дирекцијата за заштита и спасување останува на терен, ангажирана за справување со настанатата ситуација која ја зафати државата, се вели во соопштението.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа