Вечерва доаѓа нов снежен бран - од утре повторно сибирски студ
Времето во Македонија ќе биде студено и со врнежи од снег. Ќе има услови за засилен северен ветер, а во јужните делови во пониските места прво врнежите ќе бидат од дожд, а потоа и таму ќе поминуваат во снег.
ВИСИНА НА СНЕЖНА ПОКРИВКА ВО САНТИМЕТРИ ИЗМЕРЕНА ВО 07 ЧАСОТ:
46 Маврови Анови, 31 Крушево, 28 Пожаране, 19 Тетово, 18 Ѓуриште, 17 Охрид, 16 Битола и Претор, 14 Тополчани, 13 Пожар, 12 Прилеп, 9 Скопје-Зајчев Рид, 6 К.Паланка, 2 Берово.
Минимални температури утринава: -6 Битола и Тетово, -5 Скопје Петровец, -4 Берово, Прилеп и Дебар, -3 Маврово, -2 Скопје-Зајчев Рид, К.Паланка и Д.Капија, -1 Штип, Струмица, Охрид, Претор и Крушево, 0 Виница, 1 Гевгелија и 2 степена во Дојран.
Во утринскиве часови времето е умерено до значително облачно, по одделни котлини е магливо, особено во Скопската котлина. Локално има појава на слаб дожд.
Времето денес: Променливо облачно со повремени локални врнежи, кои поради позитивните температури на повеќе места претпладнево ќе бидат мешани од дожд и снег, но слаби по интензитет. Поради брзо спуштање на студена воздушна маса од север, во текот на попладнето врнежите повремено ќе имаат умерен интензитет и ќе преминуваат исклучиво во снег. Овие врнежи ќе бидат позастапени во северните и западните делови од земјава, пред се во планинските подрачја каде се очекува снежната покривка да се зголеми за дополнителни 10 см. Околу пладне и попладне ќе дува умерен до засилен северен ветер, особено долж Повардарието и на планините, а тоа ќе услови нагло опаѓање на температурата до крајот на денот. Максималната температура во земјава денес ќе биде во интервал од 2 до 7 степени, пренесе Локално.мк.
Во Скопје претежно облачно и магливо, до пладне со локални слаби врнежи од дожд и снег, а попладне повремено со умерени врнежи од снег. Во втората половина од денот ќе дува умерен до засилен северен ветер. Температурата ќе достигне 3 степени.
По благото затоплување викендов, од утре повторно следуваат многу ниски температури. Утре и во вторник ќе преовладува променливо облачно, ветровито и студено време со сончеви периоди, а во западните и северните делови се уште ќе има услови за провејување на слаб снег. Ќе дува засилен северен ветер. Од среда ќе настапи целосно стабилизирање со сончево и студено време, со утрински температури кои ќе се спуштаат во интервал од -16 до -6, а дневните на повеќе места ќе се задржат под нулата. Од петок ќе има затоплување.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа