УХМР ПРЕДУПРЕДУВА: Вечерва снег ќе ја покрие Македонија
Попладне и во вечерните часови ќе биде значително постудено и тогаш врнежите ќе бидат од снег кој на планините повремено ќе паѓа со умерен интензитет. Новата вкупна снежна покривка во западните делови од земјата од денес па се до изутрина ќе достигне до 10 см. Ќе дува умерен до засилен северен ветер.
Утре: Променливо облачно и студено во северните и западните делови од земјата со услови да провејува слаб снег. Преку денот ќе дува умерен до засилен северен ветер.
Минималните температури во интервал од -9 до -2, а максималните од -2 до 3 степени.
И во вторник ќе продолжи да дува повремено засилен северен ветер и понекаде да се појави и да провејува слаб снег. Потоа ќе продолжи период на се постудено, но суво време. Минималните температури ќе бидат доста ниски па во среда ќе се спуштата на повеќе насели места и под -10, а дневните ќе се задржуваат негативни. Насекаде позитивни дневни температури се очекуваат од петок.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
