Петрушевски: Треба да се испита каков ни е квалитетот воопшто

Треба да се испита каков ни е квалитетот воопшто, каков е квалитетот по подрачја, па потоа да го најдеме лекот, смета редовниот професор на Инстутот по хемија на Природно-математичкиот факултет Владимир Петрушевски.

- Политичарите и професорите понекогаш гледаат различно на работите. Мислам дека ректорот не го образложи предлогот до крај, но јас ќе се обидам. За секоја работа е потребно да се земе анамнеза. Мојот впечаток е дека квалитетот на образованието паѓа. Но, за тоа немам доказ, не сум извршил ниту едно истражување – изјави професорот Петрушевски.