Сончево со умерена облачност
Времето во Македонија ќе биде сончево со мала до умерена облачност. Ќе дува умерен, а наместа особено во источните делови и долж Повардарието, засилен ветер кој на моменти ќе достигне брзина до околу 70 километри на час.
Утринската температура ќе се движи од минус девет до минус еден, а дневната од минус четири до четири степени.
Во Скопје и околината рано изутрина ќе има повремени слаби врнежи од снег, а преку денот облачноста ќе се намалува и ќе има сончеви периоди. Ќе дува умерен до засилен северен ветер. Утринската температура ќе се спушти до минус четири, а дневната ќе се искачи до два степена.
Потоа следува период на претежно стабилно и суво, но студено време. Наместа е можно и провејување на слаб снег. Во петок се очекува постепен пораст на температурата.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа