Поради празникот утре ќе има посебен режим на неколку улици во Скопје

Посебен сообраќаен режим на неколку булевари и улици во Скопје и Охрид, најави МВР, по повод утрешното чествување на големиот христијански празник Богојавление-Водици.

Од 10 часот и 30 минути во Скопје ќе биде затворен за сообраќај булеварот „Филип Втори“, односно потегот на оваа сообраќајница од крстосниците со булеварот „Гоце Делчев“ до улицата „11 Октомври“. Во населбата Хром, општина Ѓорче Петров, од 11:30 часот ќе биде затворена за сообраќај улицата „Васил Аџиларски“.