Еврокомесарот Аврамопулос ја демантира неговата кандидатура за претседател на Грција
Еврокомесарот Димитрис Аврамопулос ги отфрли како невистинити гласините за истакнување на неговата кандидатура за претседателската функција во Грција од страна на левичарската партија СИРИЗА, пишува весникот „Етнос“.
- Јас сум од партијата Нова демократија и тие гласини се неосновани, изјави Аврамопулос.
Тој појасни дека го информирал премиерот Андонис Самарас за сите прашања, за кои е надлежен како еврокомесар и специјално за миграцијата и внатрешните работи на ЕУ.
- Во Грција сум во улога на комесар, но секогаш и иако сум функционер на партијата Нова демократија и не ми е дозволено да се мешам во внатрешно политичките работи, истакна грчкиот еврокомесар.
Грчкиот Парламент кон крајот на минатата година не успеа да избере нов претседател, што доведе до распишување предвремени избори.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
