Важна вест за македонските возачи
Авто мото сојузот на Македонија информира дека на планинскиот превој Стража е намалена видливоста до 50 метри поради појава на магла, а повремен снег кој засега не се задржува на коловозот има во Павлешенци.
Забраната за движење на тешки товарни возила над 7,5 тони и автобуси на патот Ржаничино – Д.Коњаре поради оштетување на средниот столб на мостот на реката Пчиња, се уште важи.
Останува во сила и забраната за движење на возила на патот Киселица - Злетово поради свлечиште.
Во прекин е сообраќајот на регионалниот пат на м.р. Глобица во непосредна близина на селото Ратавци - Пробиштип и на патните правци кон селата Степанци и Суво Грло.
На патот Радовиш - Штип штетата на мостот е санирана и сообраќајот се одвива наизменично, по една коловозна лента.
На останатите патишта сообраќајот се одвива нормално по влажни коловози.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа