ПОДГОТВЕТЕ СЕ: Доаѓа циклонот Давид - носи многу дожд и снег
Времето денеска ќе биде претежно облачно. Преку денот ќе има кратки сончеви периоди, но ќе има и повремени слаби врнежи од снег, а во крајниот југоисточен дел од дожд. Ќе дува слаб до умерен северен ветер, долж Повардарието повремено ќе се засилува. Максималната температура ќе достигне од 2 до 7 степени.
Во Скопје претежно облачно со услови за повремено проврнување на слаб дожд и снег. Ќе дува слаб северен ветер. Максималната температура ќе достигне до 5 степени.
Во четврток ќе има преодно стабилизирање.
Од петок попладне под влијание на серија влажни бранови од Медитеранот ќе има нови пообилни врнежи од дожд придружени со умерен до засилен јужен ветер и локална појава на грмежи.
На планините и на некои повисоки места во западните делови на земјава, врнежите ќе бидат од снег.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа