Скопјани, внимавајте каде паркирате - пајакот „здипли" 62 возила

Во текот на вчерашниот ден од страна на сообраќајната полиција откриени и санкционирани се двајца возачи кои не отстапиле првенство на минување на пешаците на обележан пешачки премин, двајца возачи кои го управувале возилото под дејство на алкохол и тие се исклучени од сообраќај, двајца пешаци поминале на црвено светло на семафор, 22 возачи не го почитувале ограничувањето на брзината на движење, 20 пешаци поминале вон обележан пешачки премин или, пак, поминале на црвено светло на семафорот за пешаци, како и 22 возачи кои непрописно се престроиле пред крстосница, не го користеле сигурносниот појас или го користеле мобилниот телефон за време на управување на возилото. 

Со помош на специјалното возило „пајак“ во текот на изминатите 24 часа од страна на сообраќајната полиција отстранети се 62 возила кои го попречувале нормалното одвивање на сообраќајот.