Опозициските аналитичари со навреди и дисквалификации кон Могерини по соопштението за „Пуч“

За аналитичарот Едмонд Адеми, соопштението од Брисел е „одвратно и срамно“. Во него е наведено дека обвинувањата кон Зоран Заев се сериозни и истите треба да се истражат.

Адеми кој долги години беше член на ЦО на СДСМ преку статус на Фејсбук се нафрли со навреди и дисквалификации врз шефот на надворешната политика на ЕУ, Федерика Могерини.

Адеми во својот статус соопштението на ЕУ  го нарекува “одвратно и срамно“, видно незадоволен од пораката која пристигна од Брисел по вчерашната акција и обелоденувањето дека за да дојде на власт Зоран Заев соработувал со странски тајни служби и се заканувал дека ќе го урне уставниот поредок

- Федерика Могерини, дали сте вие свесна што се пишува во вашата канцеларија? Доколку сте свесна, тоа е срамно, одвратно и целосно без чувство, напиша Адеми.

За потсетување, во соопштението од Брисел синоќа беше порачано дека обвинувањата се сериозни и треба да се истражат.

- Ова се многу сериозни обвиненија и ние потсетуваме на неотуѓивото право за независна и транспарентна истрага во случај на било-какво наводно погрешно работење, целосно почитување на правата на обвинетите во согласност со законот и меѓународните стандарди, вклучувајќи го и принципот на презумпција на невиност Политичките партии треба да се воздржуваат од дејствија што уште повеќе ќе ја поткопа ситуација, се вели во соопштението на дипломатската служба на ЕУ.