Фрчат казни за несовесни возачи - пајакот прави „парче"

Во текот на вчерашниот ден од страна на сообраќајната полиција откриени и санкционирани се пет возачи кои го управувале возилото под дејство на алкохол и тие се исклучени од сообраќај. Пет возачи кои поминале на црвено светло на семафорот, 35 возачи кои не го почитувале ограничувањето на брзината на движење, од нив 22 се движеле со брзина поголема од 90 километри на час во населено место, како и 24 возачи кои со возилото непрописно се престроиле пред крстосница, не го користеле безбедносниот појас или го користеле мобилниот телефон за време на управување на возилото.

Со помош на специјалното возило „пајак“ во текот на вчерашниот ден од страна на сообраќајната полиција отстранети се 61 возило кои го попречувале нормалното одвивање на сообраќајот.