Состојбата во прилепско под контрола - жителите добиваат вода за пиење

Во општина Прилеп одржан е редовен состанок на Кризниот штаб.

На состанокот беше истакнато дека состојбата е под контрола и дека се уште важи забраната за користење на вода во населените места: Ерековци, Тројкрсти, Чепигово, Канатларци, Кадино село и Мало Коњари. 

Екипите од ЈКП „Водовод и канализација“ секојдневно ги снабдуваат жителите од овие населени места со флаширана вода за пиење.

Донации од флаширана вода секојдневно пристигнуваат во просториите на Црвениот крст, каде се уште во тек е акција за донација на вода.