Помош од Македонците во Шведска за поплавените подрачја во Македонија
Македонскиот сојуз во Шведска започнa со хуманитарна акција за помош на граѓаните во поплавените подрачја во источните делови на Македонија, јави дописникот на МИА од Гетеборг.
Управниот одбор на едно од најголемите друштва во рамките на Сојузот, друштвото „Гоце Делчев“ во Гетеборг, донесе одлука да донира 10.000 шведски круни (околу 1.100 евра) за санирање на последиците од поплавите во Македонија. Се очекува во хуманитарната акција да се вклучат и другите македонски друштва и клубови, како двете македонски црковни православни општини во Шведска. Со цел да се интензивираат и поуспешно координраат активностите на собирање хуманитарни средства, се остваруваат низа контакти во разни градови.
Повеќе македонски друштва во Шведска преку социјалните мрежи ги повикаа своите членови и индивидуално да ја подржат оваа акција.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
