Металург убедливо поразен на гостувањето кај Кил
Ракометарите на Металург очекувано претрпеа убедлив пораз на гостувањето кај првопласираната екипа во групата Кил со 35:16 (17:3).
Ова е вторпат во клупската историја Металург натпревар од Лигата на шампионите да го загуби со 19 голови разлика и во двата случаи поразите се од екипи од Германија (Флензбург и Кил).
Резултатот до 3:3 беше изедначен, а потоа „подновениот “ Металург до крајот на првиот дел не постигна гол и со тоа постави уште еден неславен рекорд од повеќе од 20 минути без гол.
Во вториот дел новите играчи на тренерот Лино Червар одиграа поопуштено и на крајот резултатот беше 35:16.
Филип Талески и Марко Бувиниќ кај Металург со по 4 голови беа најефикасни, додека Филип Јиха е најефикасниот на дуелот со 9 голови.
Кил е прв во групата А со 16 бодови, ПСЖ има 12, Загреб 10, Ла Риоха 7, Мешков Брест 6, а Металург има 3.
Во последното коло Металург на домашен терен игра против Загреб.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
