ФОТО: Изгубил контрола па со камионот влетал во спална соба

Во сообраќајна несреќа при судар на камион и автомобил во Питомача, камионот од силниот удар одлетал и се забил во куќа на улицата „Браќа Радиќ“. Камионот директно влетал во спалната соба на 75-годишна жена. Таа во моментот била сама дома, кога го слушнала ударот се преплашила и се онесвестила.

Жената била пренесена во болница, но по укажаната лекарска помош била пуштена дома.

- Наводно на возачот на автомобилот му се слошило, па изгубил контрола врз возилото. Камионџијата со цел да избегне поголем судар свртел и завршил директно во спалната соба на жената.  Возачот и совозачот се префрлени во болница, изјавиле од хрватската полиција.