Граѓаните на Србија и Бугарија стравуваат од откажувањето на Јужен поток
Граѓаните на Србија и на Бугарија стравуваат дека откажувањето од проектот на гасоводот Јужен поток ќе има негативно влијание врз нивните економии, се вели во анкета на ИЦМ рисерш спроведена за руската агенција Спутњик.
Дури 64 отсто Бугари и 61 отсто Срби стравуваат дека откажувањето од проектот негативно ќе влијае врз нивните економии додека само 28 отсто Австријци очекуваат негативни последици за својата држава.
Мнозинство граѓани во држави каде требаше да минува гасоводот наведуваат дека не требало ЕК да одлучи за „зелено светло“ за проектот.
Анкетата укажува дека 66 отсто Бугари и 52 отсто Срби сметаат дека нивните држави требало да кажат последен збор, а 42 отсто Австријци истакнуваат дека Виена треба да одлучи за судбината на Јужен поток.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
