Ивица Дачиќ во посета на Македонија
Претседавачот на ОБСЕ и српски министер за надворешни работи Ивица Дачиќ денеска ќе престојува во посета на Република Македонија.
Дачиќ ќе се сретне со амбасадорот на ОБСЕ Ралф Брет, а ќе оствари средба и со претседателот Ѓорге Иванов. Се очекува тој да се сретне и со премиерот Никола Груевски, вицепремиерот Муса Џафери, министерот за надворешни работи Никола Попоски и министерот за образование и наука, Абдилаќим Адеми.
Србија го почна претседавањето со ОБСЕ на 15 јануари. Претседавањето ротира секоја година меѓу членките на ОБСЕ, а одлуката ја донесува Министерскиот совет. Функцијата претседавач со ОБСЕ ја извршува министерот за надворешни работи на таа земја.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
