Пред рефинансирањето на грчките банки ЕЦБ сака напредок од Грција

Претседателот на Европската централна банка Марио Драги изјави денеска дека ЕЦБ е подготвена да обнови режим со кој на грчки банки ќе им се дозволува да се рефинансираат од франкфуртската институција под одредени услови.

- ЕЦБ силно сака да почне одново да ја финансира грчката економија, изјави Драги.

Условите обврзуваат извршување на ветените од Атина реформи во замена за финансиска поддршка од европските партнери.

ЕЦБ прекина во почетокот на февруари достап на грчките банки до редовни операции за рефинансирање.