Брумен очекува да игра в сабота со Висла

Десното крило на Вардар, Матјаж Брумен почна да тренира во полна сила и колку што може се труди да биде подготвен да се врати на теренот в сабота, во првиот осминафинален натпревар против Висла Плок.

Словенецот нема натпревар од мечот со Монпеље на 14 февруари и беше неизвесно дали ќе може да ја продолжи сезоната поради повредата на рамото. Сепак работите одат на подобро и тој се надева дека веќе в сабота ќе може да им помогне на своите другари.

- Многу подобро се чувствувам. Сѐ уште имам болка, но ќе можам да играм в сабота против Висла. Добро ми дојдоа три недели одмор и сега ме очекува само уште еден преглед до сабота, но освен ако не се случи нешто ептен непредвидено, можам да играм, изјави Брумен.