ВИДЕО: Англиската верзија на српската песна за Евровизија

Српската претставничка на овогодинешниот Евросонг ќе пее на англиски јазик, соопштија од радио-телевизија Србија. Нумерата е насловена “Beauty Never Lies“.

Според композиторот на песната Владимир Граиќ одлична вест е тоа што Србија годинава ќе се претстави на англиски јазик, потенцирајќи дека така песната ќе може да ја разбере целиот свет.

-Победничката песна „Молитва“ во 2007 беше изведена на српски јазик, но од тогаш до сега се променија многу нешта. Сега е време за песна на англиски јазик, текстот е фантастичен и одлично и лежи на Бојана, изјавил Граиќ.

Пејачката Бојана Стаменов вели дека е пресреќна што оваа година Србија ќе се претстави на Евросонг на англиски јазик.

-Сега само ми преостанува да го дадам својот максимум и на целиот свет да им ја пренесам пораката која сакаме да ја упатиме преку песната. Време е заедно со мене гласно да кажете на самите себе дека сте прекрасни, дека сте поинакви, изјавила пејачката.

Инаку, Србија на Евровизија во Виена ќе настапи во втората полуфинална вечер на 19.мај.