Попоски и Јанакиески на конференија со Јоханес Хан
Во Приштина, министерот за надворешни работи на Република Македонија Никола Попоски и министерот за транспорт и врски Миле Јанакиески учествуваа на Министерската конференција на Западен Балкан "Подобра поврзаност, силна и клучна транспортна мрежа".
На Конференцијата присуствувашe и комесарот за соседска политика и преговори за проширување Јоханес Хан, a се обрати и комесарката за транспорт Виолета Булц.
Денешниот состанок се организира како дел од Берлинскиот процес, а во пресрет на состаноците во Рига и Виена , во мај и јуни оваа година.
На Конференцијата се остварија дискусии во однос на предложената методологија на Европската комисија за определување на приоритетни транспортни коридори и се разменија мислења за предлозите за усогласување на клучната транспортна мрежа во земјите од Западен Балкан.
Поврзувањетo на земјите од регионот ќе доведе до зголемување на инвестициите, но и зајакнување на врските меѓу луѓето преку границитe и рушење на предрасудите.
Во своето обраќање министерот Попоски истакна:
„Бидејќи ЕУ е политичка унија, треба да се применат политички критериуми за поврзувањето на регионот. Инфраструктурата не служи само за транспорт на стоки и луѓе, туку и за интегрирање на Балканот во Европскиот проект."
На овој состанок е договорено следниот состанок во регионален формат да се одрзи во Македонија. До тогаш ќе биде потребно да се договорат клучните проекти.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа