Најдобрите ученици на Државен натпревар по информатика
Во организација на Здружението на информатичарите на Македонија (ЗИМ), и Агенцијата за млади и спорт на РМ (АМС), утре во просториите на Факултетот за информатички науки и компјутерско инженерство (ФИНКИ) во Скопје ќе се одржи 26. Државен натпревар по информатика за учениците од средните и основните училишта во Македонија, пренсе МИА.
Настанот ќе го отворат претседателот на ЗИМ Миле Јованов и директорот на Агенцијата за млади и спорт Марјан Спасески.
На натпреварот, кој е дел од Проектот „Најдобар млад програмер“, ќе учествуваат најдобрите 95 ученици од основното и средното образование, избрани од учесниците на одржаниот регионален натпревар.
Свеченото отворање на настанот ќе се одржи во амфитеатарот на Технолошко - металуршкиот факултет, со почеток од 10 часот, објави МИА.
Програмата на Државниот натпревар по информатика 2015 е објавена на веб страната на ЗИМ.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа