ПРЕСУДА: Драгица починала на породување - гинекологија ќе плати оштета од 24 милиони денари

По повеќе од 13 години семејството на починатата Драгица Иванкиќ од Загреб ја најде правдата. Тамошниот суд пресуди дека гинеколошката клиника во Загреб е виновна за нејзината смрт при породувањето во 2002 година. Тамошниот суд пресудил дека болницата е виновна за невнимание и непрофесионално постапување при породувањето на сега покојната Драгица со нејзиното четврто дете. Сега болницата на семејството треба да му плати оштета над 3 милиони хрватски куни или околу 24 милиони денари.Случајот беше мега скандал во Хрватска. Медиумите пишуваа дека во неговото заташкување биле вмешани највисоки функционери од власта.