Лазаров со Барселона поуспешен од Ла Риоха на Јоноски

Во дуелот на екипи за кои настапуваат македонските ракометни репрезентативци Кирил Лазаров и Ацо Јоноски поуспешна беше Барселона која ја совлада Ла Риоха со 35:29.

Натпреварот се одигра во Логроњо и беше во рамките на четвртфиналето од шпанскиот куп.

Лазаров во победата на својот тим придонесе со пет погодоци и  беше втор стрелец, зад Никола Карабатиќ кој запиша осум реализации.

Јоноски имаше само дефанзивни задачи во Ла Риоха.

И на првиот меч од четвртфиналната пресметка славеше Барселона. На домашен терен забележа убедлива победа со 39:28.

Тимот на Лазаров противникот за полуфиналето ќе го добие во една од екипите на Хихон, Виља де Аранда и Гранољерс.