Брисел не лобира за техничка влада во Македонија?

Се појасно е дека Брисел смета дека решението за политичката криза во Макеоднија мора да се случи во институциите. Потврда за тоа даде и известувачот за Македонија во Европскиот парламент, Иво Вајгл. На новинарско прашање, дали решението е во формирање техничка влада тој за словенечката национална телевизија одговара дека се бараат само конструктивни разговори, односно двете страни да седнат и конструктивно да разговараат.

– Нашата цел е двете страни да седнат и да разговараат, да разговараат во некој европски контекст, пред се да ги гледаат интересите на Македонија и земјата да влезе во Европската Унија. Ние ги советуваме да не дозволат ситуацијата да ескалира, да го спуштат тонот на политичката дебата, да го спуштат тонот на говорот на омраза кој доминира, некако да се договорат како да им дадат на земјите членки или на Европската комисија дека Македонија е подготвена и заинтересирана да ги отвори преговорите со ЕУ,  вели  Вајгл.

Тој смета дека е неприроден начин е делувањето на СДСМ со објавување на бомби.