Голем пожар беснеел во Велес - изгоре куќа

Во месноста Којник во Велес на улицата „Кирил Пејчиновиќ“ број 13, синоќа околу 21 часот  се одвивала вистинска драма. Изгорел стар дел од куќа, а за среќа во пожарот нема жртви благодарение на навремена интервенција на соседите кои први интервенирале додека пристигнала екипа на противпожарната единица.

 

Пламенот преку керамидите излегувал доста високо и се заканувала опасност да бидат зафатени електричните кабли на бандерите на улицата, поради што пожарникарите интервенирале со две возила и за кратко време огнот најпрво бил ставен под контрола, а потоа и изгаснат околу 23 часот.

 

Увид на лице место направила екипа на велешката полиција  која работи на утврдување на причините на пожарот и настанатата штета.