Државниот врв на средба кај претседателот Иванов
Претседателот на Република Македонија Ѓорге Иванов, претседателот на Собранието Трајко Вељаноски и премиерот Никола Груевски вечерва одржуваат средба на која, според најавите, треба да бидат информирани за актуелната безбедносна состојба во земјата.
На средбата, која ја свика претседателот Иванов, присуствуваат министрите за одбрана и за внатрешни работи Зоран Јолевски и Гордана Јанкуловска, директорот на Управата за безбедност и контраразузнавање Сашо Мијалков и началникот на Генералштабот на АРМ Горанчо Котески.
Средбата на државниот врв откако поголема вооружена група од 40-тина лица ноќеска во 2 часот и 30 минути ја нападнаа карулата Гошинце во близина на границата на Македонија со Косово. Притоа биле заробени четворица полициски службеници кои биле дежурни во караулата. Министерството за внатрешни работи настанот го окарактеризира како терористички напад.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
