Загина градежен работник во Гостивар
Работник починал попладнево откако паднал од објект на кој се изведувале градежни работи во населбата Питарница во Гостивар.
Според првичните сознанија, станува збор за 62-годишен гостиварец, жител на населбата Циглана, кој со уште неколку лица изведувале градежни работи на покрив од куќа. По падот била повикана и итна помош, но дежурниот лекар констатирал смрт, која најверојатно настанала од повредите кои ги здобил при падот.
Од СВР Тетово потврдуваат дека кај нив е пријавен случајот и дека нивна екипа е испретена на увид.
За причините кои довеле до несреќата се најавуваат по увидот, кој е во тек а го спроведуваат јавен обвинител, екипа на крим техника и државен инспектор за труд.
Годинава ова е втор трагичен случај од четирите регистрирани несреќи при работа. Лани, во гостиварско имало 20 несреќи во кои биле повредени исто толку работници.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
