Деветмина тешко повредени на скопските улици

Во текот на изминатите три дена на подрачјето на Град Скопје од страна на сообраќајната полиција извршен е увид на вкупно 41 сообраќајна незгода.

Во петокот  извршен е увид на вкупно 25 сообраќајни незгоди. Од нив, девет се со последица материјална штета и 10 се со последица телесна повреда во кои со полесни повреди се здобиле еден возач на патничко моторно возило, тројца сопатници, четворица пешаци, двајца велосипедисти, еден возач на мотоцикл и еден патник во автобус.

Случени се и шест незгоди со последица тешка телесна повреда во кои со тешки телесни повреди се здобиле четворица пешаци, еден возач на патничко моторно возило, еден сопатник и еден велосипедист.

Во саботата извршен е увид на вкупно седум сообраќајни незгоди. Од нив, две се со последица материјална штета и пет се со последица телесна повреда во кои со полесни повреди се здобиле пет возачи на патничко моторно возило, тројца сопатници и еден пешак, додека во неделата извршен е увид на вкупно девет сообраќајни незгоди. Од нив, осум се со последица материјална штета и една е со последица телесна повреда во која со полесни повреди се здобил еден возач на запрежно возило.

Во текот на изминатите три дена од страна на сообраќајната полиција откриени и санкционирани се 17 возачи кои не го почитувале ограничувањето на брзината на движење со возилото. Десет возачи го управувале возилото под дејство на алкохол и истите се исклучени од сообраќај, 10 возачи кои не го користеле безбедносниот појас или го користеле мобилниот телефон за време на управување со возилото, како и четворица возачи кои поминале на црвено светло односно не ги почитувале светлосно сообраќајните знаци на крстосниците.

Со помош на специјалното возило „пајак“ во текот на овие три дена од страна на сообраќајната полиција отстранети се 61 возило кои го попречувале нормалното одвивање на сообраќајот.

За денеска нема најавено вонредни настани со што се очекува сообраќајот да се одвива тековно и според постоечката сообраќајна регулатива.